Krieket - Hoërskool Zwartkop Webblad

ZWARTKOP SE KRIEKET KOOK

By  Zwarrieland is Krieket vir ons n prioriteit en is ons doelwit om ons te vestig as een van die top Krieketspelende skole in Pretoria. Ons kan met trots aankondig dat ons daarin geslaag het om die dienste van André Nel te bekom, voormalige  Proteaspeler.  André is ons nuwe binneshuise krieketsentrumbestuurder  en is ook elke middag vanaf 14h00 -16h00 betrokke by die afrigting van al ons spanne.  Verder gaan hy en ander spesialiste ook  individuele afrigting teen betaling doen  in ons binneshuise sentrum.
Ons 1e span word afgerig deur mnr Henk  Klopper,  wat homself reeds bewys het as 'n top afrigter.  HenkI kan reeds op 'n jong ouderdom met n vlak 2 afrigtersertifikaat spog.
Mnr Kevin Jackson, iemand wat self verteenwoordigende krieket gespeel het, is ons Krieketorganiseerder  en  is ook voltyds  betrokke by afrigting.
Ons is trots om te kan noem  dat ons   oor van die  heel  beste  fasiliteite in Pretoria het:
Een van die modernste binneshuise krieketsentrums.
Krieketvelde  met  turfkolfblaaie.
Oefennette wat opgegradeer is en aan die hedendaagse eise voldoen.
Verder word Krieket as  'n vak, met 'n teoretiese en 'n praktiese komponent  aangebied in graad 8 en 9.
Ons speel met 7 spanne  in die liga - aangebied   onder die vaandel  van  die Northens  Cricket  Union.
Ons  woon met van ons spanne ook klinieke en  afrigtingskursusse gedurende vakansies by  en het ons ook in 2011 begin om van ons spanne op toere  te  neem waar ons wedstryde teen ou tradisionele  krieketskole speel .
Ons nooi u uit om deel  te word  van  Zwarrie Krieket  en om  ons Krieket na 'n nuwe vlak te neem.